Mercartes
topagune

MERCARTES sektorearen estatu mailako espazio profesional nagusietako bat da: konpainiak, ekoizleak, banatzaileak, programatzaileak, erakundeak eta kultura-eragileak biltzeko gunea, harremanak, ikusgarritasuna, trukea eta lan-aukera berriak sortzera bideratua. Testuinguru honetan, Eskenak rol aktiboa hartzen du euskal Eszena Arteak MERCARTESen presentzia izan dezaten. Basque. Performing Arts. itzalpean, Eskena euskal eszena-sektorea ordezkatzen duen standaren antolaketan, koordinazioan eta kudeaketan parte hartzen du, topagune, sustapen eta konexio profesionalerako espazio bihurtuz.

Eskenak lan egiten du standak konpainientzat tresna erabilgarria izan dadin, Euskadiko sormen eszenikoa proiektatzeko lekua izan dadin, beste lurraldeetako programatzaile eta profesionalekin kontaktua errazteko, eta sektore dibertsoa, sendoa eta mugimenduan dagoen irudia indartzeko.

Gainera, Eskenak presentzia honekin lotutako ekintza profesionalak koordinatzen eta laguntzen ditu, hala nola aurkezpenak, topaketak eta sektorearen lanari sakonera handiagoa ematen dioten jarduera txikiak. 2025ean, adibidez, Ekosistema Kulturalak aurkezpena koordinatu zuen, Eusko Jaurlaritzak, Basque. Performing Arts.ek eta SAREAk bultzatutako topaketa profesionala, kultura-eragileen artean elkarrizketa, ezagutza eta konexioak sortzera bideratua.